قصيدة للشيخ نااااصر بن حمد الخليفة
حييل حلوة يمكن لان فيها مدح بقبيلة اعنزة
هات القلم بكتب قصيدي على شــــان أختار لي بين المثايل مثـايـــــــــل
دام القصيديمثل شــــــعور الانســــان باحاول أعطي عن شعوري دلايـل
و أنا حسب عرفي على مــــر الأزمــان عندالنشاما ماتضيع الجمايـــــــــل
و من يفعل المعروف ماهوب خســران دام النوايا بيض والشك زايــــــل
والحكي في بعض المواقيـــف نقصـــــان لاصارعقب الحكي ما من صمايـل
إفعل وتلقى لك مع النـــاس عنـــــوان وتلقى مكانك فالصفوف الأوايـــل
وانا وريث أهل العطايـا والأحســـان أهل المبادي و الكرم والفعايـــــــل
والتجربة في وقتنا خير برهـــــــــــان ومن جرب الدنيا يشوف الهوايـــــل
نعطي و يرجح بالعطا كـل ميــــــزان ونقدم الجزلات للأهل الجزايـــــل
عاداتنا لاجات روغات الأذهـــــــان نلقى لنابين الوسايل وسايــــــــل
للخيل خياله و للحـرب فرســــــــان وللضد ضد وللسلايل سلايـــــل
حنا هل الوقفات في كـــل ميــــــدان أهل العزاوي متعبين الأصايـــــل
ياماركبناها بلا ســــرج و عنــــــان و ياما ردعنا فوقها كل عايـــــل
وياماحذفنا الروس من فوق الأمتان وياما سترنا ناقضات الجدايــــل
حنا نفك رقاب ونحـــرر أوطـــــــان ونعدل الوقت الردي لاتمايــــــــل
افعالنا ما هي تقدر بالاثمان افعالنا اصدق من حقوق المخايل
من وقتنا الماضي الى وقتنا الان وحنا لها ما بين صايل وجايل
الدار تبغي شعب وجنود واعوام وصدق واخلاص في كل فايل
وحنا فدا للدار في كل الاحيان والله ما نرضى بدالها بدايل
الشعب صامل والمعازيب شجعان لا وقفوا تشفي الصدور الغلايل
من دون ابو سلمان واخوي سلمان نوقف سوات الزير واخوة وايل
اما وقفنا وقفة شانها شـــــــــــــــــــان ولا القبور الي علينا تهايـــــــــل
هذا الكلام الصدق من قلب ولســان ما هو كلام أهل الحكي والتحايــل
و إللي يبي للعلم أدلــه و بــرهـــــان يرجع لتاريخ العرب والقبايــــــل
يحق لي لاقلت أنا عــالي الشـــــان مادامني من صفوة عيال وايـــــل
وسلامتكم